Preguntas sobre ferreñas artesanais para pandeireta
Que modelos podo seleccionar?
Ofrecemos dous modelos: Pequeno, de 4,2cm de diámetro e Grande de 5,5.5 ou 6cm de diámetro.
Que opcións podo seleccionar en cada modelo?
No modelo pequeno podemos seleccionar o número de dobreces (4,8,12,6), a concavidade (5, 5.5 ou 6mm) e si é normal ou temperada.
No modelo grande podemos seleccionar o número de dobreces (4,8,12,16) a lonxitude desa dobrez (A pequena,B mediana, C grande) e si é normal ou temperada. Respecto á concavidade estes modelos están pensados para pandeiretas cun rebaixe na madeira de 14mm de ancho, sendo posible a fabricación para outras medidas.
Como afectan as opcións ó resultado sonoro final?
Diámetro: canto maior é o diámetro máis grave é o son da ferreña, pero maior será o peso da pandeireta e a inercia da mesma.
Concavidade: canto maior sexa a concavidade menor será o movemento da ferreña, por tanto menor volume de son.
Temperado: o temperado ademáis de dar lugar a un oscurecemento da superficie da ferreña, produce un endurecemento do metal polo que o son é máis intenso e definido.